Blog

Дали Цезар салатата е добра за намалување на тежината?

by in Здрава Храна March 1, 2024

Кога станува збор за здравата исхрана и слабеење, салатите се практично пример за ова. Репутацијата на салатите во насока на слабеење е толку голема што речиси секој што сака да намали вишок килограми автоматски почнува да внесува повеќе зеленчук и овошје. Меѓутоа, дали сите салати се добри за слабеење или погрешно сме информирани? Одговорот може да биде и да и не.

Оригиналната Цезар салата и не е толку здрава како што претпоставуваме – поради сирењето и преливот со висока содржина на натриум и масленост. Овие две работи (особено преливот) додаваат многу непотребни масти и празни калории и навидум здравата салата ја претвараат во висококалоричен оброк кој може да достигне и до 800 или повеќе калории.

Затоа, доколку сакате да направите поздрава и помалку калорична Цезар салата, ви предлагам рецепт кој вообичаено го вклучувам во менијата за намалување на телесната тежина и во кој е заменет оригиналниот прелив со поздрава домашна верзија за да ја имитирате кремстата текстура. 

Рецепт:

Бело месо, пилешко или мискиркино 150 g, припремено со додадок на 5 ml масло.

Околу 150 g свеж зеленчук: марула, рукола, домати. Препечен леб, двопек 15 g.

Преливот припремете го од следните состојки и зачини: сенф 10 g, Грчки јогурт со 2% на масленост 100 g, Сирење, пармезан (дробен) 10 g, ладно цедено маслиново масло 5 ml, сол, бибер, оригано, кари, лук, свеж или во прав и лимонов сок.

Нутритивни информации:

Вкупно калории: 438

Масти: 20g

Заситени масти: 5g

Транс масти: 0 g

Холестерол: 105 mg

Натриум: 432 mg

Јаглехидрати: 25 g

Растителни влакна: 2 g

Шеќери: 10 g

Протеини: 42 g

Leave a Reply

Your email address will not be published. Required fields are marked *

    Cart